- உண்டால் தீருமா பசி, கண்டால் தீருமா ருசி.
- உழுது உலர்ந்தது பழுது ஆகாது.
- எந்த மடத்துக்கு எந்த ஆண்டி சதம்.
- கட்டின பெண்டாட்டி பட்டி மாடு மாதிரி.
- கணக்கைப் பார்த்தால் பிணக்கு வரும்.
- காட்டில் செத்தாலும் வீட்டில்தான் தீட்டு.
- அத்தைச் செல்லானம் அடைமழைக்கு அடையாளம்.
- சுமந்தவன் தலையிலே சும்மாடு.
- தாய்க்கு ஆகாத பிள்ளை ஊருக்கு ஆகாது.
- திருட்டுக்கு இருட்டு ஏது?
- நாயைக் கொஞ்சினால் மூஞ்சியை நக்கும்.
- போட்டால் நெல். போடாவிட்டால் புல்.
- வாதம் கெட்டால் வைத்தியம்.
- வெளியில் தளுக்கு உள்ளே அழுக்கு.
- விரல் உரல் ஆனால் உரல் என்ன ஆகும்?
- நில்லாத காலடி நெடுந்தூரம் போரும்.
- பனிக்கண் திறந்தால் மழைக்கண் திறக்கும்.
- பாட்டு வாய்த்தால் கிழவியும் பாடுவாள்.
- பாய்க்கு தக்கபடி காலை நீட்டு.
- பெண்ணின் கோணல் பொன்னிலே நிமிரும்.
- முன் கை நீண்டால் முழங்கை நீளும்.
- அக்காளோடு போயிற்று அத்தான் உறவு.
- அக்னிப் பந்தலில் வெண்ணெய் பதுமை ஆகுமா?
- கடைப் பிறப்பு கழுதைப் பிறப்பு.
- தோட்டம் வைத்தால் வாட்டம் இல்லை.
- பூ மலர்ந்து கெட்டது, வாய் விரிந்து கெட்டது.
- வேகாத சோற்றுக்கு விருந்தாளி இரண்டு பேர்.
- ராஜா மெச்சினவள் ரம்பை.
- பெட்டைக் கோழி தட்டிக் கூவுமா?
- நிலத்துக்கு ஏற்ற நீரும் குலத்துக்கு ஏற்ற சீரும்.
- ஆமைக்கு பத்து அடி என்றால் நாய்க்கு நாலு அடி.
- தன் பலம் கண்டு அம்பலம் ஏற வேண்டும்.
- சாக்கடைக்குப் போக்கிடம் ஏது?
- கொடி சுற்றிப் பிறந்தால் குடிக்கு ஆகாது.
- கெடுவார்க்கு கெடுமதி பிடரியில்.
- கடுகு சிந்தினால் கலகம் வரும்.
- ஓரம் சொன்னவன் ஆருக்கும் ஆகான்.
- ஏவற் பேய் கூரையைப் பிடுங்கும்.
- எண்ணாச் சொத்து மண்ணாய்ப் போகும்.
- ஈடாகாதவளை எதிர்க்காதே.
- இட்டுக் கெட்டார் எங்கும் இல்லை.
- ஆண்டி பெற்ற அஞ்சும் அவயம்.
- கரும்புக் கட்டுக்கு எறும்பு தானே வரும்.
- காளிப்பட்டம் போனாலும் மூளிப்பட்டம் போகாது.
- தை மழை தவிட்டுக்கும் ஆகாது.
- வாங்கித் தின்னுமாம் வயிறு, விண்ணாரம் போடுமாம் உதடு.
- விருப்பத்தினால் ஆகாதது வீம்பினால் ஆகாது.
- விறகு கோணல் ஆனால் நெருப்பு பற்றாதா?
- வேசி உறவு காசிலே.
Related
