முகம் – ஆரோக்கியம் சொல்லும் கண்ணாடி என்ற பகுதியில் நமது முகங்கள் எவ்வாறு நமது ஆரோக்கியத்தை வெளிபடுத்துகிறது என பார்த்தோம். பிரபஞ்சத்தில் உள்ள உயிர் ஆதாரங்கள் தத்தம் இயல்போடு எளிதான உணவுடன் வாழ்க்கையை வாழ அவசியமானது நகங்கள். நகங்கள் நம் வாழ்கை சுழற்சியின் மூலதனம். ஆச்சர்யமாக இருக்கிறதா?

பலர் பராமரிப்பதே இல்லை பலர் மிகுந்த அக்கறையுடன் இரசாயன நகப்பூச்சு அணித்து அடிக்கடி வெட்டும் நகங்கள் வாழ்க்கையின் மூலதனமே. பலர் நகங்களை கடிப்பதுமுண்டு, அதனால் ஏற்படும் விளைவுகளையும், அதனை விட எளிய வழிகளையும் வேறொரு பகுதியில் தெரிந்துக் கொள்வோம்.

நகங்கள் உயிர் ஆதாரங்களின் அன்றாட செயல்பாட்டிற்கு பிடிப்பைக் கொடுக்கிறது. இந்த பிடிப்பே நாம் நம் வாழ்க்கையை சுலபமாகவும், எல்லா செயல்பாடுகளையும் துரிதமாகவும் செய்ய உதவுகிறது.

நகங்கள் இல்லை என்றால் எந்த பொருளையும் பிடிக்கவோ, எந்த செயலையும் செய்யவோ முடியாது. காரணம் நகங்களே வழுவைக் கொடுக்கிறது. நகங்கள் இல்லாது இருந்தால் கை கால்கள் மிருதுவாக இருக்கும், பிடிப்பு இருக்காது. ஆகா, நகங்கள்  உயிர் வாழ்க்கையின் ஆதாரம். 

நகங்கள் பொருளை தூக்கவோ அல்லது ஏதோ செயலை செய்யவோ மட்டும் தானா? இல்லை, இவையே நம் அக அழுக்கையும் காட்டும் கண்ணாடி. அதாவது அகத்தின் அழகு முகத்தில் தெரியும் என்பது போல உடலின் ஆரோக்கிய நிலையை (அழகை) நம் நகங்களின் மூலம் தெரிந்து கொள்ளலாம். 

நகங்கள் மற்றும் நகத்தை சுற்றி இருக்கும் நகப் படுகையின் மூலம் ஒருவரது உடல் ரீதியான அனைத்து பிரச்சனைகளையும், நோய்களையும் கண்டறியலாம். அதாவது தீவிர நோய்கள் முதல் நாள்பட்ட வியாதி வரை அனைத்தையும் இவை பிரதிபளிக்கிறது. உடல் மட்டும் இல்லாது மன அழகையும் பளிச்சென்று வெளிப்படுத்துகிறது நம் நகங்கள். 

எப்போதும் அதிக கோபத்துடனும் கொந்தளிப்புடனும் கவலையுடனும் இருப்பவர்களின் விரல்களில் நகம் இருப்பதில்லை.  நகத்திற்குப் பதிலாக சிவப்பேறிய சதையே உள்ளது. மன அழுத்தம், கவலை உள்ளவர்களின் விரல்களிலும் நகம் இருப்பதில்லை.

அமைதியானவர்களின் விரல் நகங்கள் அளவோடு சீரியதாக இருக்கும். அழகியல் உணர்வு உள்ளவர்களின் நகங்கள் நேர்த்தியாக திருத்தப்பெற்று இருக்கும். இவ்வாறு மனதையும் வெளிப்படுத்துகிறது. 

நகங்களின் அமைப்பு

விரல் நுனிகளில் உள்ள பல நரம்பு கூட்டங்களை பாதுகாக்கும் விதமாக நகங்கள் உள்ளது. இவை கெரட்டின் என்ற புரதத்தால் ஆனா பகுதி. இவை சுண்ணாம்பு, பாஸ்பரஸ், புரதம் ஆகியவற்றால் ஆனது. 

நகங்களும் சுவாசிக்கும், வியர்வையை வெளியிடும் தன்மைக் கொண்டது. வெளிப்புறம் நகங்களாக இருக்கும் நெயில் பிளேட் கழிவுப் பொருள் என்பதால் அதற்கு ஆக்ஸிஜன் தேவையில்லை. ஆனால் உட்புறம் இருக்கும் மேட்ரிக்ஸ், நெயில் பெட், கிடிகிள் போன்ற பாகங்களுக்கு ஆக்சிஜன் அவசியம். எனவே அவை தேவையான ஆக்ஸிஜனை சுவாசத்தின் மூலம் பெற்றுக் கொள்கிறது. 

ஆரோகியமான நகம் என்பது பளபளப்பாகவும், மிருதுவாகவும், இளஞ்சிவப்பு நிறத்தில் வட்டமாகவும் இருக்கும். 

நகப்படுகை

நகப்படுகை என்பது விரல் நுனியில் உள்ள நகத்தின் அடிப்பகுதியாகும். இவை பல நுண்ணிய நரம்புகளின் கூடாரம். இவற்றின் அடியில் உள்ள இரத்த ஓட்டத்தின் மூலம் தோலின் ஏற்படும் நிறமாற்றம், அளவு ஆகியவற்றினால் ஒருவரது நாள்பட்ட நோய்களையும் துல்லியமாக கணிக்க முடியும். 

நகச்சுத்து

நகச்சுத்து எனப்படும் நகச்சொத்தை, ஏற்படக்காரணம் நகக்கண்களில் அழுக்கு சேர்வதால் என்றால் பொருந்தும். முக்கியமாக நகத்தின் உயிராக இருக்கக் கூடிய ஓரப்பகுதி நகங்களைக் கடித்து இரத்தக் களறி ஆக்குவதாலும் புண் ஏற்படும். நகப்படுகையில் கசியும் இரத்தம் நகத்தட்டுக்கு அடியில் அதாவது நகத்தின் உட்புறச் சதையில் தங்கி விடும். இது நாளடைவில் சீழ் பிடித்து நகச்சொத்தையாக மாறிவிடுகின்றது.

நகச்சுத்து நீண்ட நாட்களாகத் தொடர் தொந்தரவு கொடுப்பது, திடீர் தொந்தரவு கொடுப்பது என்று இரண்டு வகை விருந்தாளிகளாகச் செயல் படுகிறது. இந்த திடீர் நகச்சுத்து நகக்கண்களில் அழுக்கு சேர்தல், நகத்தை வேரோடு கடித்துத் துப்புதல், ஏதேனும் காயம் ஏற்படுவது ஆகிய நாம் நகத்திற்குத் தரும் தொந்தரவினால் ஏற்படுகின்றது. 

நகங்களின் வெளிப்பாடு

• நக‌ச்சொ‌த்தை ஏ‌ற்பட, நக‌த்‌தி‌ல் ‌மு‌ன்பு எ‌ப்போதாவது ஏ‌ற்ப‌ட்ட காய‌ம் காரணமாக இரு‌க்கலா‌ம். ‌விர‌லி‌ல் அடிபடுவது, இடு‌க்‌கி‌ல் கை‌விர‌ல் ‌சி‌க்‌கி‌க் கொ‌ள்வது போ‌ன்றவ‌ற்றா‌ல் ஏ‌ற்படு‌ம் பா‌தி‌ப்பா‌ல் நக‌ப்படு‌க்கை‌யி‌ல் ஏ‌ற்படு‌ம் ர‌த்த‌க் க‌சிவானது, நக‌த் த‌ட்டு‌க்கு அடி‌யி‌ல் த‌ங்‌கி‌விடு‌ம். இதனா‌ல் நக‌ச் சொ‌‌த்தை ஏ‌ற்படு‌கிறது. ‌இ‌ந்த நக‌ச்சொ‌த்தை தானாக ச‌ரியாகவு‌ம் வா‌ய்‌ப்பு‌ள்ளது. ஆனா‌ல் நக‌‌ச்சொ‌த்தை ‌தீ‌விரமடை‌ந்து, நக‌ப் பகு‌தி‌யி‌ல் வ‌லி ஏ‌ற்படுமா‌யி‌ன், நக‌த்தை ‌பிடு‌ங்க‌ி‌வி‌ட்டு அ‌ப்பகு‌தியை சு‌த்த‌ம் செ‌ய்ய வே‌ண்டியது அவ‌சியமாகு‌ம். 

மருதாணி இலை

மருதாணி இலை ஒரு சிறந்த கிருமி நாசினி. கண்ணுக்குப் புலப்படாத பல கிருமிகளை அழிக்க வல்லது. மருதாணி இலைகளை நீர்க் விட்டு அரைத்து நகத்தைச் சுற்றி தினமும் தடவி வந்தால் நகச்சொத்தை மாறும். நகசுத்தி வராமல் தடுக்கும், புண்ணை ஆற்றவும் நல்ல மருந்து. வேப்பிலையும் மஞ்சள்துண்டையும் சேர்த்து அரைத்துப் பூசி வந்தாலும் நகச்சுத்து குணமாகும். 

நகங்களை சீரான முறையில் பராமரிக்க நல்ல பலன் கிடைக்கும் – நகங்களை எவ்வாறு பராமரிப்பது?

கைவிரலில் மந்திரம்

நகப்படுகையை தூண்டி விடுவது முடி வளர மட்டும் இல்லை. இதனால் உடலில் புத்துணர்ச்சி ஏற்படும், உடலில் ஏற்படும் உடல் வலிகள் சரியாகும், பிராண சக்தி கூடும், மனம் அமைதியாகும். அதுமட்டும் இல்லாது உடலில் உள்ள கழிவுகளை சுலபமாகவும், விரைவாகவும் வெளியேற்றும்.

மேலும் இரத்த ஓட்டத்தை மேம்படுத்தும். நகப்படுகையை மெதுவாக அழுத்தம் கொடுப்பதன் மூலம் தலைவலி, தூக்கமின்மை குணமாகும். நல்ல அமைதியான மனநிலையை பெற முடியும். 

உயிர் வாழ்க்கைக்கு மிகவும் இன்றியமையாத நகங்கள், நகமும் சதையும் என்றார்ப்போல உடலின் அக்கறையுடன் பேணிப்பாதுகாத்து ஒற்றுமையுடன் ஆரோக்கியமாக வாழ்வோம்.